سبق ۳ : ایس پی ایس معاہدے کے اصول

موضوع ۴ : تحفظ کی موزوں سطح مقرر کرنا

ہر ملک کو خطرے کی ایک تشخیص کی بنیاد پر اس تعین کا حق حاصل ہے کہ خوارک کی حفاظت اور حیوانوں اور نباتات کی صحت عامہ کی کس سطح کو وہ موزوں سمجھتا ہے ۔ جب ایک ملک نے خطرے کی اس قابل قبول سطح کا فیصلہ کرلیا ہے ، تو اکثر ایسے بہت سے متبادل اقدامات ہیں جو اس تحفظ کے حصول کے لئے استعمال کئے جاسکتے ہیں ۔

آئیے ایس پی ایس معاہدے کے آرٹیکل ۵ کو مزید توجہ سے دیکھتے ہیں ۔ آرٹیکل ۵ ایک ملک کے تحفظ کی موزوں سطح ( ایلوپ ) [  Appropriate Level of Protection (ALOP) ] کے تعین اور نفاذ کے حق کا احاطہ کرتا ہے ۔

تجارت میں منفی اثرات کو کم سے کم کرنا

کسی اقدام کے تجارت میں ممکنہ منفی اثرات پر اس کے نفاذ سے قبل غورکیا جانا چاہیئے ۔ ارکان کو تجارت میں منفی اثرات کو ہر ممکن حد تک کم سے کم رکھنے کی کوشش کرنی چاہیئے ۔ یہی وجہ ہے کہ ، اقدامات کا نفاذ نہیں کیا جاتااگر ان سے حاصل ہونے والا فائدہ ثابت نہیں کیا جاسکتا ( مثال کے طور پر، کیڑوں کا بڑی تعداد میں اکھٹا ہونے کے نئے واقعے کے ہونے یا موجودہ جمگھٹوں کے فرار کی روک تھام کرنا ) ، یا وہ خطرے کو کم نہیں کرتے ۔ ایک درآمد کرنے والے ملک کی جانب سے تحفظ کی موزوں سمجھی جانے والی سطح یکساں اور غیر امتیازی ہونی چاہیئے ۔ اس کا مطلب یہ ہے کہ درآمد کرنے والے ملک کو یہ یقینی بنانا چاہیئے کہ ایک جیسے خطرات کویکساں طریقے سے لیا جاتا ہے ، قطع نطر اس کے کہ خطرہ کے آغاز کس ملک سے ہوتا ہے ۔ ایک ملک کے کے تحفظ کی موزوں سطح ( ایلوپ ) [  Appropriate Level of Protection (ALOP) ] کو خطرے کی ایک قابل قبول سطح کو یقینی بنانا چاہیئے ۔ خطرے کی سطح ہر ملک کے لئے مختلف ہو سکتی ہے ، لیکن صفر نہیں ہوسکتی ۔  

اگر ایک درآمد کرنے والے ملک کے لئے ، برآمد کرنے والے ملک کی جانب سے لاحق خطرہ قابل قبول ہے ، تو درآمد کرنے والے ملک کے لئے کسی دوسرے ملک کی جانب سے بھی ایسا ہی خطرہ قابل قبول ہونا چاہیئے ۔ اگر تکنیکی لحاط سے برابر، دو یا دو سے زائد اقدامات جو قابل تقابل افادیت ، اور اقتصادی موزونیت پیش کرتے ہیں ، تو تجارت میں کم ترین رکاوٹ ڈالنے والا اقدام اختیار کرنا چاہیئے ۔ جب یکساں موثر اقدامات دستیاب ہوں ، توایک ایسے اقدام پر اصرار کرنا جس کی تعمیل مشکل یا مہنگی ہو ، تجارت کے لئے ایک بلا جوز رکاوٹ ہے ۔

عارضی اقدامات

ایک ملک ایسے حالات میں عارضی بنیاد پر اقدامات اختیار کر سکتا ہے جب خطرے کی موثر تشخیص کے لئے نا کافی شواہد دستیاب ہوں ۔ تاہم ، “ کافی معلومات “ کی کوئی تعریف موجود نہیں ہے ۔ ڈبلیو ٹی او کے پاس خطرے کا ایک تجزیہ کرنے کے لئے ضروری معلومات کی تعداد کے لئے کم از کم کی کوئی شرط نہیں ہے ۔ یہ یاد رکھنا اہم ہے کہ معلومات کے لئے کم از کم کی شرط نہ ہونے کے باوجود ، ڈبیلو ٹی او خطرے کی ایک تشخیص چاہتا ہے ۔ کئی مرتبہ ، ممالک جب عارضی طور پر ایک قدام اختیار کرتے ہیں تو معلومات کی کمی کو ایک بہانے طور پر استعمال کرتے ہیں ، کئی مرتبہ بہت سالوں کے لئے ۔ یہ رویہ ایس پی ایس معاہدے کے مطابق نہیں ہے اور اس کا نتیجہ ڈبلیو ٹی او کے رسمی تنازعات کے حل کی کاروائیوں کی صورت میں نکلا ہے ۔

یہ سمجھتے ہوئے ، ایک خطرے کا تجزیہ انتہائی کم معلومات استعمال کرتے ہوئےکیا جاسکتا ہے کہ غیر یقینی بہت زیادہ ہے ۔ غیر یقینی صورتحال کے ازالے کے لئے اقدامات قابل قبول ہیں ، لیکن ایک خطرے کی تشخیص کے بغیر احتیاطی اقدامات کی اجازتنہیں ہے .

ایس پی ایس معاہدہ خطرے کی تشخیص میں شامل ہونے کے لئے درآمد  اور برآمد کرنے والے ممالک دونوں کی حوصلہ افزائی کرتا ہے ۔ برآمد کرنے والے ملک کو پیسٹ کی موجودگی ، پیسٹ کیتقسیم ، پیداواری طریقوں ، اور معائنوں کے بارے میں متعلقہ معلومات فراہم کرنی چاہئیں ۔ درآمد کرنے والے ملک کو اقدامات کے نفاذ کی وضاحت دینی چاہیئے جب وہ ایک معیار کی بنیاد پر نہ ہوں ۔ تاہم ، اگر ایک عارضی اقدام استعمال کیا جاتا ہے ، تو درآمد کرنے والے ملک کو عارضی اقدامات کی حمایت کے لئے ایک مناسب وقت کے عرصے میں تمام ثبوت فراہم کرنے کی ضرورت ہوگی ۔ ایک ملک صرف غیر یقینی صورتحال کی وجوہات پر غیر معینہ عرصے کے لئے اقدامات کا نفاذ نہیں کرسکتا ۔ کافی معلومات اکھٹی کر لئے جانے کے بعد ، درآمد کرنے والے ملک کو نئی معلومات کی بنیاد پر ایک مرتبہ پھر خطرے کی تشخیص کرنی چاہیئے ۔ درآمد کرنے والے ملک کو اس خطرے کی تشخیص کو اقدامات کے نفاذ کے جواز یا اقدامات کو ختم کرنے کے لئے استعمال کرنا چاہیئے ۔ اگر درخواست کی گئی ، تو ان تمام اقدامات کے استعمال کےجواز کے بارے میں تکنیکی معلومات فراہم کرنی ہوگی جو بین الاقوامی معیارات کی بنیاد پر نہیں ہیں ۔

نیچے دی گئی وڈیو تحفظ کی موزوں سطح کی ایک مثال فراہم کرے گی ۔

 جاری رکھنے کے لئے ، اوپر دیئے گئے موضوعات کے مینیو سے موضوع  ۵   کا انتخاب کریں ، یا یہاں پر کلک کریں ۔