سبق ۳ : ایس پی ایس معاہدے کے اصول

ایس پی ایس معاہدے کے آرٹیکل ۲ میں ارکان کے لئے فراہم کئے گئے بنیادی حقوق و فرائض مندرجہ ذیل ہیں :

1. انسانی ، حیواناتی ، اور نباتاتی حیات یا صحت عامہ کے تحفظ کے لئے ارکان کو حفظان صحت اور نباتاتی حفظان صحت کے لئے ضروری اقدامات کرنے کا حق حاصل ہے ،تاوقتیکہ اس طرح کے ایسے اقدامات اس معاہدے کی شرائط کے بر خلاف نہ ہوں ۔
2. ارکان یقینی بنائیں گے کہ کسی حفظان صحت یا نباتاتی حفظان صحت کے اقدام ، جو انسانی ، حیواناتی ، اور نباتاتی حیات یا صحت عامہ کے صرف ضروری حد تک تحفظ کے لئے نافذ کیےجاتےہیں ، سائنسی اصولوں کی بنیاد پر ہو ںاور کافی سائنسی شواہد کے بغیر برقرار نہیں رکھے جا سکتے ہوں ، ما سوائے اس کے کہ جیسے آرٹیکل ۵ کے پیرا گراف ۷ میں دیا گیا ہے ۔
3. ارکان یقینی بنائیں گے کہ ان کے حفظان صحت یا نباتاتی حفظان صحت کے اقدامات من مانے اور ارکان کے درمیان بلا جواز امتیاز کا باعث نہ ہوں جہاں یکساں یا ملتے جلتے حالات غالب ہوں ، بشمول ان کے اپنے علاقے یا دوسرے ارکان کے علاقے کے درمیان ۔ حفظان صحت یا نباتاتی حفظان صحت کے اقدامات کا نفاذ ایک ایسے انداز سے نہیں کیا جانا چاہیئے کہ وہ بین لاقوامی تجارت پر ایک بھیس بدلی ہوئی پابندی لگنے لگے ۔
4. حفظان صحت یا نباتاتی حفظان صحت کے اقدامات جو اس معاہدے کی متعلقہ شرائط سے مطابقت رکھتے ہوں ، انہیں ۱۹۹۴ میں ہونے والے معاہدے جی اے ٹی ٹی ( GATT )  کی شرائط کے تحت ، جن کا تعلق حفظان صحت یا نباتاتی حفظان صحت کے اقدامات کے استعمال ، با لخصوص آرٹیکل XX (b) کی شرائط سے ہے ، ارکان کے فرائض سے مطابقت میں سمجھا جائے گا ۔
5.  تمام ممالک کو خوراک کے تحفظ کی موزوں سطح اور حیواناتی اور نباتاتی صحت عامہ کے تحفظات کے تعین کے لئے حق خود مختاری حاصل ہے بشرطیکہ ایسے اقدامات باقی ایس پی ایس معاہدے کے ساتھ ہم آہنگی رکھتے ہوں ۔ اقدامات کا نفاذ صرف اس وقت کیا جانا چاہیئے جب ضروری ہو اور تمام اقدامات دستیاب سائنسی شواہد کے ذریعے تکنیکی طور پر قابل جواز ہونے ضروری ہیں ۔ آخر میں ، اقدامات کا یکساں طور پر نافذ کرنا ضروری ہے تاکہ یہ نفاذ تجارتی شراکت داروں کے درمیان امتیاز پیدا نہ کرے یا تجارت میں غیر ضروری رکاوٹیں پیدا نہ کرے ۔

حفظان صحت یا نباتاتی حفظان صحت کے اقدامات کے نفاذ پر معاہدہ